யாழில் வான், கார் என்பவற்றை அடித்து நொருக்கியதுடன், அவற்றுக்கு தீயும் வைத்து விட்டு வன்முறை குழுவை சேர்ந்த இருவர் தப்பிச் சென்றுள்ளனர்.
இதேநேரம், இந்தத் தீயை அணைக்க முயன்ற பெண் ஒருவர் காயமடைந்துள்ளார் என்றும் தெரிய வருகின்றது.
கோப்பாயில் நேற்றுமுன்தினம் இரவு இந்தச் சம்பவம் இடம்பெற்றுள்ளது.
இது தொடர்பில் மேலும் அறியவருவதாவது,
மோட்டார் சைக்கிளில் வந்த இருவர் வீட்டின் முன்னால் நிறுத்தப்பட்டிருந்த வான், காரை அடித்துநொருக்கினர்.
அத்துடன், அவற்றுக்கு தீயும் வைத்துவிட்டு அங்கிருந்து தப்பிச் சென்றுள்ளனர்.
வீட்டிலிருந்த பெண் ஒருவர் தீயை அணைக்க முயன்றபோது காயமடைந்தார்.
அவர் யாழ். போதனா மருத்துவமனையில் சேர்க்கப்பட்டுள்ளார்.
சம்பவம் தொடர்பில் கோப்பாய் பொலிஸார் விசாரணைகளை மேற்கொண்டு வருகின்றனர்.
