அம்பாறையில் விபத்து! மாணவர்கள் உட்பட்ட பத்துப் பேர் காயம்!

அம்பாறை – அக்கறைப்பற்று வீதியில் 2 பேருந்துகள் ஒன்றுடன் ஒன்று மோதி விபத்துக்குள்ளானதில் 10 பேர் காயமடைந்துள்ளனர். 

காயமடைந்தவர்களில் பாடசாலை மாணவர்களும் உள்ளடங்குவதாக காவல்துறையினர் தெரிவித்துள்ளனர். 

காயமடைந்த 10 பேரும் அம்பாறை மாவட்ட வைத்தியசாலையில் சிகிச்சைகளுக்காக அனுமதிக்கப்பட்டுள்ளனர். 

இந்நிலையில், குறித்த விபத்து தொடர்பில் காவல்துறையினர் மேலதிக விசாரணைகளை முன்னெடுத்துள்ளனர்.