தமிழகத்தில் உயிரிழந்த சாந்தன் அவர்களின் புகழுடலுக்கு வவுனியாவில் மக்கள் பலநூற்றுக்கணக்கில் திரண்டு அஞ்சலி செலுத்திவருகின்றனர்.
2 நாட்களுக்கு முன்னர் அவருடைய உடலம் கொழும்பை வந்தடைந்தபோதிலும் மருத்துவப் பரிசோதனை முடித்து நேற்றைய நாள் பிற்பகலே உறவினர்களிடம் கையளிக்கப்பட்டது.
இந்நிலையில்,
இன்று காலை வவுனியாவில் அஞ்சலி நிகழ்வுகள் நடைபெற்றுவருகின்றன.
சிவப்பு, மஞ்சள் கொடிகளால் அலங்கரிக்கப்பட்ட ஊர்தியில் வரும் புகழுடலுக்கு வவுனியாவில் மக்கள் திரண்டு கண்ணீர் மல்க அஞ்சலி செலுத்திவருகின்றனர்.
தொடர்ந்து மாங்குளத்திலும் பின்னர் கிளிநொச்சியிலும் புகழுடல் அஞ்சலிக்காக வைக்கப்பட்டு பிற்பகல் 2மணியளவில் வல்வெட்டித்துறை தீருவில் அஞ்சலிக்காக வைக்கப்படும் என்று ஏற்பாட்டாளர்கள் அறிவித்துள்ளனர்.
நாளை புகழுடலுக்கான இறுதி நிகழ்வுகள் நடைபெற ஏற்பாடாகியுள்ளன.
