திருகோணமலை மாவட்டம் கிண்ணியா, உப்பாறு பகுதியில் ஆற்றில் பயணித்த படகொன்று கவிழ்ந்து விபத்துக்குள்ளானதில் அதில் பயணித்த இளைஞர் ஒருவர் உயிரிழந்துள்ளார்.
நேற்றிரவு குறித்த படகு விபத்துக்குள்ளானதில் குறித்த படகில் பயணித்த மூவர் நீரில் மூழ்கி காணாமல் போயிருந்தனர்.
இந்தநிலையில், காணாமல் போயிருந்தவர்களில் ஒருவர் இவ்வாறு சடலமாக மீட்கப்பட்டுள்ளார்.
சடலமாக மீட்கப்பட்டவர் குறித்த பகுதியைச் சேர்ந்த 17 வயதுடைய இளைஞர் ஒருவரென அடையாள காணப்பட்டுள்ளார்.
இந்தநிலையில், காணாமல் போயுள்ள மற்றைய இருவரையும் தேடும் பணிகளை கிண்ணியா காவல்துறையினரும், பொதுமக்களும் இணைந்து முன்னெடுத்து வருவதாக தெரிவிக்கப்பட்டுள்ளது.
