நோர்வேயின் எல்வெரும் பகுதியில் தமிழ் பெண் ஒருவர் சுட்டுக்கொலை செய்யப்பட்டார் என்று அந்நாட்டு பொலிஸார் தெரிவித்துள்ளனர்.
உள்ளூர் வைத்தியசாலைக்கு வெளியே காரில் வைத்து குறித்த பெண் கொலை செய்யப்பட்டுள்ளார் என்று தெரிவிக்கப்பட்டுள்ளது. இதன் போது காரில் மற்றுமொரு நபரும் பலத்த காயங்களுடன் காணப்பட்டுள்ளார்.
அவரை மீட்ட பொலிஸார் ஒஸ்லோவில் உள்ள மருத்துவமனைக்கு விமானம் மூலம் கொண்டு செல்லப்பட்ட போதிலும் அவர் உயிரிழந்தார் என்று தெரிவிக்கப்பட்டுள்ளது.
உயிரிழந்த பெண் கொலைசெய்யப்பட்ட யுவதி முப்பது வயதான ராகவி வரதராஜன் என்று அடையாளம் காணப்பட்டுள்ளார்.
இவர், பல் மருத்துவர் என தெரிவிக்கப்பட்டுள்ளது. அத்துடன், உயிரிழந்த பெண் பலமுறை உயிர்
அச்சுறுத்தலை எதிர்கொண்டார் என்றும், அது குறித்து பொலிஸில் முறைப்பாடு செய்யப்பட்டது எனவும் அறிய வருகின்றது.
எவ்வாறாயினும், இந்த முறைப்பாடு தொடர்பில் பொலிஸார் உரிய கவனம் செலுத்தவில்லை எனவும் குற்றம் சுமத்தப்பட்டுள்ளது.
இதேவேளை, நோர்வேயின் கொலை விகிதம் அதிகரித்துள்ளதாகவும், கடந்த 10 ஆண்டுகளில் இல்லாத அளவுக்கு 2023ஆம் ஆண்டில் அதிகமான மக்கள் (36 பேர்) கொல்லப்பட்டனர் என்று
தெரிவிக்கப்பட்டுள்ளது.
2013 ஆம் ஆண்டுக்குப் பிறகு, வருடாந்த கொலை எண்ணிக்கை 30ஐத்தாண்டியது இதுவே முதல் முறையாகும்.
புத்தாண்டு தினத்திலிருந்து மேலும் ஆறு கொலைகள் பதிவாகியுள்ளன என்றும் தெரிவிக்கப்பட்டது.
