ஆலயத்தில் பொங்கல் பொங்கிக் கொண்டிருந்த பெண்ணை வாகனம் மோதியதில் அவர் சம்பவ இடத்திலேயே உயிரிழந்தார்.
நீர்வேலி மேற்கு – இராச பாதையில் நேற்று மாலை இடம்பெற்ற இந்த விபத்தில் அதே இடத்தைச் சேர்ந்த தனபாலசிங்கம் மகேஸ்வரி (வயது 72) என்பவரே உயிரிழந்தார்.
சம்பவம் குறித்து மேலும் அறிய வருவதாவது, வீதியோரமாக அமைந்திருந்த ஆலயத்தில் குறித்த பெண் பொங்கிக் கொண்டிருந்தார் அந்தச் சமயம் வேகமாக வந்த டிப்பர் பெண்ணுக்கு சற்றுத் தள்ளி நின்றிருந்த வாகனத்தை மோதித் தள்ளியது.
இதில் அந்த வாகனம் பெண்ணை மோதியதில் அதன் கீழ் சிக்குண்டு பெண் உயிரிழந்தார்.
சம்பவம் தொடர்பில் கோப்பாய் பொலிஸார் விசாரணைகளை முன் னெடுத்துள்ளனர்.
